MUFACEko Idazkaritza Nagusiari honako funtzio hauek dagozkio:

a) Mutualitateko kide anitzeko organoen laguntza teknikoa.

b) Administrazio-eraikinen kontserbazioa, intendentzia eta funtzionamendua, zerbitzu teknikoak eta mantentze-zerbitzuak, hornidurak eta eskuratzeak, barne-araubidea eta gai orokorrak, bai eta ondasunen inbentarioa ere.

c) Giza baliabideak kudeatzea, errendimendua hobetzeko planak betearaztea, gizarte-ekintza eta mutualitateko langileen prestakuntza.

d) Mutualitateari esleitutako kudeaketarako beharrezkoak diren azterlanak, txostenak eta dokumentazio teknikoa egitea, bai eta zerbitzu-arau, -jarraibide eta -aginduak, kolektiboaren araubidea eta administrazio-informazioa prestatzea eta izapidetzea ere, administrazio-mutualismoaren aplikazio-eremuari dagokionez.

e) MUFACEren eta mutualitateari atxikitako langileen araubideari buruzko errekurtsoei eta erreklamazioei buruzko txostenak egitea eta izapidetzea.

f) MUFACEn sartuta dauden mutualitate zaharren ondasun higiezinak kudeatzea.

g) Informatika-plana egitea eta aplikatzea, eta azpiegitura teknikoa, komunikazioak eta informazioaren teknologiak kudeatzea.

h) Beste erakunde batzuekiko harremanez arduratuko da, bai eta beste sail batzuei berariaz esleitu ez zaizkien gainerakoez ere.