En outubro iníciase a campaña de vacinación da gripe 2025-2026. Garántese a administración das doses necesarias a todos os mutualistas, independentemente da súa opción sanitaria.

A vacina fornécese conforme á campaña despregada por cada comunidade autónoma, de modo progresivo, e adminístrase a persoas incluídas nos grupos de risco establecidos por cada comunidade, ben polo servizo público de saúde, ben pola entidade concertada, segundo a súa opción. Hai excepcións, polo que é importante que lea toda a información e permaneza atento ás nosas noticias web. Iremos difundindo a información a medida que esta sexa confirmada por cada comunidade autónoma.

Como norma xeral, se é vostede de servizo público de saúde, contacte co seu centro de saúde para pedir cita, e se é de entidade concertada, debe contactar coa súa entidade (ASISA e ADESLAS). Teña en conta que as campañas teñen diferente data de arranque.

Informámoslle que non procede por parte de MUFACE autorizar a vacina da gripe en centros escolares. Esta vacina é a cargo das Entidades e, por tanto, deben acudir aos centros de vacinación asignados polas mesmas.

Siga por favor as nosas noticias web.

LEMBRE:

• OS GRUPOS DE RISCO NA CAMPAÑA DE VACINACIÓN DA GRIPE SON DEFINIDOS POR CADA COMUNIDADE AUTÓNOMA. Infórmese na súa comunidade.

As recomendacións do Ministerio de Sanidade pode velas nesta ligazón.

VACINA FRENTE A NEUMOCOCO

A vacina neumocócica atópase incluída no calendario común de vacinación en todas as Comunidades Autónomas. Recoméndase a vacinación fronte a neumococo cunha soa dose a partir dos 65 anos de idade, non sendo necesarias de forma xeral doses posteriores de recordo. Se desexa información máis concreta contacte coa súa Entidade ou, se ten algún problema, co seu Servizo Provincial.