Familiares

Axuda económica de pago único á que teñen dereito os mutualistas e as mutualistas cando se atopen nos supostos de feito legalmente establecidos de parto, adopción ou acollemento múltiples.

É compatible coa prestación económica de pago único por parto ou adopción múltiples.

É o 100% da base de cotización correspondente ao día do feito causante por 42 días (seis semanas de descanso obrigatorio) calculada en función do número de menores nados ou acollidos simultaneamente a partir do segundo.

Bases anuais

É necesario que no persoal mutualista concorran os seguintes requisitos:

• Estar de alta ou en situación asimilada á alta na Mutualidade na data do feito causante.
• Acreditar seis meses de cotización á Mutualidade.
• Gozar o período de descanso previsto no artigo 49 do Real Decreto Lexislativo 5/2015, do 30 de outubro, polo que se aproba o Texto Refundido da Lei do Estatuto Básico do Empregado Público (EBEP).

Percibirase:

• En caso de parto múltiple: calquera dos proxenitores, tanto homes como mulleres, en función da opción escollida pola nai, no seu caso.
• En caso de adopción ou acollemento múltiples: calquera dos adoptantes ou acolledores, tanto homes como mulleres, a elección de ambos.

Cinco anos a partir da data do parto ou da data de resolución xudicial pola que se constitúe a adopción ou da data da decisión administrativa ou xudicial de acollemento, ou ben, cando se trate de acollemento simple, a data da comunicación do órgano competente da Comunidade Autónoma.

A solicitude realizarase a través da Sede Electrónica de Muface na dirección https://sede.muface.gob.es/, mediante certificado dixital recoñecido, DNI electrónico, identificación Cl@ve Permanente ou Cl@ve PIN.

Ao cubrir a solicitude electrónica seralle solicitada:

• Inscrición do nacemento no Rexistro Civil, ou copia da anotación no Libro de Familia, no seu caso.
• Resolución xudicial, en caso de adopción ou acollemento múltiple.

• Art.29 da Lei sobre Seguridade Social dos Funcionarios Civís do Estado
• Arts.120 a 128 del Reglamento General del Mutualismo Administrativo
• Real Decreto 295/2009, do 6 de marzo, polo que se regulan as prestacións económicas do sistema da Seguridade Social por maternidade, paternidade, risco durante o embarazo e risco durante a lactación natural.