A Mutualidade Xeral de Funcionarios Civís do Estado (MUFACE) é o organismo público encargado de prestar asistencia sanitaria e social ao colectivo de funcionarios adscritos. Créase pola Lei 29/1975, do 27 de xuño, sobre Seguridade Social dos Funcionarios Civís do Estado, coa finalidade de xestionar o sistema de Mutualismo Administrativo dos funcionarios civís do Estado. Incorpóranse nese momento a MUFACE todos os bens e dereitos de mutualidades preexistentes, que pasan a formar parte do que se chama o Fondo Especial. Existen prestacións complementarias para persoas que cotizaron no seu momento ás estas entidades e unha serie de recursos, tanto inmobiliarios como mobiliarios, que se xestionan e administran por MUFACE por mandato legal, cuxo rendemento está afecto ao mencionado Fondo Especial.

A nosa organización

MUFACE é un Organismo autónomo dependente do Ministerio para a Transformación Dixital e da Función Pública a través da Secretaría de Estado de Función Pública, composto por:

• Uns servizos centrais.
• 52 direccións provinciais e oficinas delegadas de atención ao colectivo.

Ademais, dispón dos seguintes servizos:

• A Oficina de Información ao Mutualista, mediante un servizo de atención telefónica, 060, ou mediante un formulario web , a través do que tamén se accede a dirixir consultas aos Servizos Provinciais.
• Un espazo web, Muface (www.muface.es), desde o que se accede a servizos de prestacións, á sede electrónica así como a toda a información precisa para esa xestión.
• Contas oficiais en redes sociais X (antes Twitter) e Linkedin.

MUFACE xestiona un potente conxunto de prestacións para a protección do seu colectivo, constituído por máis de 1.500.000 persoas:

Para iso, conta cun considerable orzamento , 1.938.944.570,00 € en 2023 (orzamento prorrogado) e, o máis importante, un persoal medio de 750 persoas que traballan cunha extraordinaria vocación de servizo público, cualificación e sensibilidade para resolver os problemas dos nosos mutualistas.

Ademais, xestiónase en MUFACE o Plan de Pensións da Administración Xeral do Estado, cuxo patrimonio se sitúa en torno aos 640 millóns de euros e ten máis de 640.000 partícipes e beneficiarios, o que o sitúa como o maior plan de pensións de emprego de Europa por número de partícipes.

MUFACE traballa por e para a sociedade. A actividade que desenvolvemos céntrase en satisfacer as necesidades dos nosos mutualistas e as súas familias.