Axudas de prolongación de efectos de axudas anteriores (epígrafe 9 da resolución de convocatoria para 2025)

Tipo de prestación

Axudas de protección sociosanitaria

De que se trata?

Este programa ten como finalidade permitir o mantemento das axudas económicas concedidas nas resolucións de convocatorias anteriores a persoas beneficiarias das mesmas e para quen, solicitando o recoñecemento da súa situación de dependencia, con determinación do seu grao e nivel, no seu caso, de conformidade co establecido na Lei 39/2006, do 14 de decembro e normativa de desenvolvemento, e no Real Decreto-lei 20/2012, do 13 de xullo, de medidas para garantir a estabilidade orzamentaria e de fomento da competitividade, aínda non sexa efectivo o seu dereito aos servizos e prestacións económicas do Sistema para a Autonomía e Atendión á Dependencia (SAAD) por causa non imputable ás persoas interesadas.

No entanto, poderán ser beneficiarios e beneficiarias desta prolongación de efectos quen fosen declarados ou declaradas non dependentes mediante resolución do órgano competente do SAAD, sempre que manteña a súa validez a cualificación de discapacidade que servise de base para a concesión da axuda en exercicios anteriores.

Contía

A correspondente á axuda a extinguir que se viñese percibindo, sen actualización en 2025.

Quen se poden beneficiar da axuda

e acordo co disposto na convocatoria de 2025, poden ser beneficiarias aquelas persoas que obtivesen na convocatoria anterior unha axuda da mesma modalidade e en quen concorran os seguintes requisitos:

1) A súa situación económica non se modificou en máis do 5% respecto da convocatoria anterior.

2) Ter recoñecido un grao de discapacidade igual ou superior ao 65% ou ao 80%, se neste último caso non alcanzan os 65 anos de idade (salvo para Teleasistencia).

3) Non ter variación na súa unidade de convivencia ou outras circunstancias que foron obxecto de consideración para a concesión da axuda anterior.

4) Non se lles fixo efectivo servizo algún ou prestación económica vinculada ao mesmo, a través do SAAD.

5) Cúmprase o requisito previsto no último parágrafo do epígrafe 9.1.

Prazo de presentación

As solicitudes presentaranse ata o 31 de decembro de 2025, inclusive.

Lugar de presentación

  • A través do Rexistro Electrónico Xeral (REG) da Administración Xeral do Estado, as 24 horas de cada día do prazo de solicitude, sen necesidade de acudir ás as nosas oficinas. Precísase certificado electrónico en vigor, DNI electrónico, Cl@ve Permanente ou Cl@ve PIN. Se desexa rexistrarse en Cl@ve, hai oficinas de MUFACE nas que pode facer. Coñeza aquí cales son , e para coñecer outros modos de facer, entre aquí .
  • No resto dos rexistros previstos no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas, e por correo postal.
  • NAs nosas Oficinas de MUFACE, sempre con cita previa .

Documentación

Modelo de solicitude (632 KB)
Solicitude de cambio transitorio de modalidade de axuda (92 KB)
Recibo para servizos prestados por persoas físicas (45 KB)
Declaración responsable (119 KB)
Modelo 145- comunicación de datos ao pagador (120KB)

A falta de comunicación ao pagador das circunstancias persoais, ou da súa variación, determinará que se aplique o tipo de retención correspondente, sen ter en conta estas circunstancias (Art. 88.2 do Regulamento do Imposto sobre a Renda das Persoas Físicas)

Normativa