MUFACE convoca anualmente programas sociosanitarios dirixidos a atender as necesidades de persoas maiores, persoas con discapacidade, drogodependencia e outras adiccións, enfermidade psiquiátrica crónica e outras situacións de necesidade.

A convocatoria de cada ano establece os requisitos que se deben acreditar para acceder ás axudas.

Os programas vixentes son:

• Axudas para facilitar a autonomía persoal
• Axudas para persoas con enfermidade psiquiátrica crónica
• Axudas para atención á drogodependencia e outras adiccións
• Axudas para estadías temporais en residencias asistidas ou en centros de día e de noite
• Axudas para persoas con enfermidade celiaca
• Axudas para persoas con enfermidade oncolóxica
• Axudas de prolongación de efectos de axudas anteriores por situación de dependencia

Con data 28 de abril de 2025 publicouse no BOE a Resolución do 21 de abril de 2025 , da Mutualidade Xeral de Funcionarios Civís do Estado (MUFACE), pola que se convoca a concesión de axudas de protección sociosanitaria durante o ano 2025

O prazo de presentación de solicitudes destas axudas é ata o 31 de decembro de 2025 inclusive.

O prazo de resolución para estes expedientes é de dous meses desde a data de entrada da solicitude en MUFACE. Transcorrido este prazo, os efectos da falta de resolución expresa (silencio administrativo) serán estimatorios.

Advírtese que durante o mes de maio nas nosas oficinas haberá gran afluencia de mutualistas, dado que é o mes en que debe realizarse o cambio de entidade ordinario e forzoso de entidade, debido á entrada en vigor do novo Concerto de Asistencia Sanitaria Nacional. Por este motivo, recomendamos encarecidamente e agradecemos de antemán utilizar a sede electrónica e aconsellamos atrasar a presentación de solicitudes cando sexan presenciais, xa que será moito máis cómodo facer durante o mes de xuño en diante, tendo en conta que hai prazo ata o 31 de decembro.