Podes contactar con MUFACE a través do seguinte formulario de contacto.
Violencia de xénero
Axuda para mulleres vítimas de violencia de xénero
Prestación de pago único
De que se trata?
Son axudas económicas destinadas ás mulleres vítimas de violencia de xénero pertencentes ao colectivo de MUFACE para compensar os prexuízos económicos derivados da situación de violencia sufrida que tivesen que sufragar no período comprendido entre o 1 de novembro de 2024 e o 31 de outubro de 2025.
O importe da axuda incrementarase na mesma contía por cada fillo, filla ou menor suxeito á súa tutela ou garda e custodia que figuren como beneficiarios e beneficiarias no colectivo de MUFACE.
Contía
As axudas consisten nun pago único de 1.000,00 € por solicitante.
Adicionalmente aboarase a mesma cantidade por cada fillo ou filla ou menores suxeitos á súa tutela ou garda e custodia que figure como persoa beneficiaria da solicitante ou da persoa titular da que dependa a solicitante se é beneficiaria na data na data da solicitude.
Quen se poden beneficiar da axuda
Mulleres do colectivo: titulares, beneficiarias e titulares do documento asimilado ao de afiliación.
As solicitantes deberán ter acreditada a súa condición de vítima de violencia de xénero mediante algunha das formas previstas no apartado 2 da convocatoria.
Todas as axudas previstas requiren que a vítima pertenza ao colectivo de MUFACE na data de acreditación dos feitos causantes.
Prazo de presentación
En 2025, poderanse solicitar axudas desde o día seguinte á publicación no BOE da convocatoria ata o 31 de outubro de 2025.
A través da sede electrónica de MUFACE as 24 horas do día, cada día do ano, sen necesidade de acudir ás nosas oficianas. Precísase certificado electrónico en vigor, DNI electrónico, Cl@ve Permanente ou Cl@ve PIN. Se desexa rexistrarse en Cl@ve, entre aquí.
