Publicouse unha nova normativa sobre a incapacidade temporal que afecta aos traballadores do Réxime Xeral da Seguridade Social, segundo a cal se elimina a copia da baixa por enfermidade da empresa. Esta norma, e a súa orde de desenvolvemento, non son de aplicación aos funcionarios de MUFACE, aínda que reciban atención sanitaria a través dos servizos públicos de saúde. Polo tanto, os facultativos seguirán emitindo os dous exemplares do modelo por conta de MUFACE, e mutualistas presentando na súa unidade de persoal o destinado á Administración.
A partir de abril de 2019, os partes non son compatibles con modelos máis antigos. Só son válidos os publicados nesta páxina. O parte debe entregarse nas unidades de persoal que o remitirán posteriormente a MUFACE.
Desde abril de 2019, MUFACE require a clasificación CIE 10-ES nos partes médicos de baixa, como codificación diagnóstica que substitúe á anterior CIE-9-MC. CIE-10 é o acrónimo da Clasificación Internacional de Enfermidades, 10ª edición. Edítaa a Organización Mundial da Saúde e determina a clasificación e codificación das enfermidades.
Exclusivamente para persoal médico, aquí pode acceder á ferramenta do Ministerio de Sanidade, Consumo e Benestar Social que funciona como buscador e como conversor de CIE-9-MC a CIE-10-ES.
