Os funcionarios mutualistas de MUFACE, tanto os obrigatorios como os voluntarios, están obrigados a cotizar á mutualidade, ao seu réxime Xeral ou ao Singular, segundo os casos. O réxime de cotizacións duns e outros se detalla no apartado “Réxime de cotizacións”.

VEXA AQUÍ As nosas PREGUNTAS FRECUENTES SOBRE COTIZACIÓNS.

Réxime Xeral

Neste réxime son os órganos de persoal dos distintos departamentos ministeriais, organismos e institucións, os que deben ingresar a MUFACE as cotizacións dos seus funcionarios, previamente detraídas das súas nóminas. Para iso, o órgano de persoal do organismo onde preste os seus servizos o mutualista, deberá utilizar a aplicación Cotiz@, dispoñible na nosa páxina web, na apartado Administración Pública da Sede Electrónica, que permite a transmisión electrónica da información sobre o ingreso das cotizacións dos mutualistas.

Réxime Singular

No réxime singular de cotización son os propios mutualistas os suxeitos obrigados ao ingreso en MUFACE das respectivas cotas, mediante o cargo do correspondente recibo na súa conta bancaria.

Normativa aplicable

Real Decreto Lexislativo 4/2000, do 23 de xuño, polo que se aproba o texto refundido da lei sobre Seguridade Social dos Funcionarios Civís do Estado.

Real Decreto 375/2003, do 28 de marzo, polo que se aproba o Regulamento Xeral do Mutualismo Administrativo.

Orde APU/284/2004, do 2 de febreiro, que regula o procedemento de ingreso das cotizacións dos mutualistas á Mutualidade Xeral de Funcionarios Civís do Estado.

Resolución da Dirección Xeral de MUFACE, do 20 de xaneiro de 2014 (BOE do 31 de xaneiro de 2014), pola que se desenvolven as normas para ingreso das cotizacións e control da recadación e dítanse as especificacións técnicas para o envío de información.