Benvido/a, mutualista de novo ingreso en 2024:

Parabén por superar con éxito as probas selectivas. En data próxima serás nomeado/a como funcionario/a en prácticas ou de carreira nun Corpo adscrito ao mutualismo administrativo e adquirirás desde ese momento a condición de mutualista obrigatorio/a da Mutualidade Xeral de Funcionarios Civís do Estado (MUFACE), polo que aproveito para darche a benvida.

Para saber quen somos e coñecernos mellor, non dubides en visitar a nosa web MUFACE , onde preparamos un espazo diferenciado para novos mutualistas.

O modelo de asistencia sanitaria de MUFACE permíteche elixir entre recibir a asistencia sanitaria a través do servizo de saúde da súa Comunidade Autónoma ou a través de medios concertados. Para tomar a mellor decisión, podes acceder ao noso espazo web relativo a asistencia sanitaria nacional.

Unha vez que tomes posesión como funcionario/a en prácticas ou de carreira, e axiña que sexa posible, deberás elixir a entidade pola que optas, así como confirmar ou corrixir os teus datos persoais, aínda que xa estuviersa asegurado noutro réxime. Para a túa comodidade, dispuxemos un servizo na sede electrónica da Mutualidade, dentro dos apartado “Servizos para colectivos específicos”, no que poderás identificarche a través da plataforma Cl@ve, que permite o uso de certificado dixital, DNI-e, Cl@ve Permanente ou Cl@ve PIN.

Así mesmo, tamén despois de ser nomeado en prácticas, deberás en todo caso incluír ás túas persoas beneficiarias en MUFACE, para o que dispuxemos un servizo de alta de beneficiarios na mesma sede electrónica

Se tes algún problema ou non consegues acceder á información, non dubides en porche en contacto co teu Servizo Provincial . Recomendámosche o uso do noso Formulario web de atención a Mutualistas , que podes utilizar sen necesidade de identificación ou rexistro, ao que tamén podes acceder a través da App móbil.

Segue as nosas contas de Twitter @mufaceoficial e Linkedin.

Ten en conta, finalmente, que a Mutualidade esixe cita previa en todas as súas sedes. As canles para solicitala están na nosa páxina web, en Atención a Mutualistas/Contacta con Muface/As nosas oficinas/Cita Previa

De novo, recibe a nosa benvida e non dubides que a túa satisfacción é a meta das nosas tarefas.