Corresponde ás Comisións Provinciais e de Ceuta e Melilla:

a) Velar pola aplicación dos acordos do Consello Xeral e da Comisión Permanente, así como propor, no seu caso, cantas medidas, plans e programas sexan necesarios para o perfeccionamento dos mesmos no seu ámbito territorial.

b) Definir os criterios para a concesión de axudas por asistencia social, con suxeición ás normas reguladoras e aos créditos asignados.

c) Informar os asuntos que lle someta o seu Presidente.

As Comisións Provinciais e de Ceuta e Melilla estarán integradas polos seguintes membros:

a) Por parte da Administración Civil do Estado:

1.º O Director do Servizo de MUFACE, que será o Presidente da Comisión.

2.º Os representantes da Administración que designe o Director xeral de MUFACE en número inferior nun ao dos representantes dos funcionarios.

b) Por parte dos funcionarios: un Vogal por cada unha das centrais sindicais de ámbito nacional representadas no Consello Xeral e un Vogal por cada unha das centrais sindicais de ámbito autonómico representadas no Consello Xeral naquelas Comisións provinciais e de Ceuta e Melilla que se constitúan no respectivo territorio autonómico.

Actuará como Secretario, con voz pero sen voto, o do Servizo Provincial, e en Ceuta e Melilla o Xefe de sección correspondente.